Det høyrest kanskje rart ut, men forskarar meiner at nokre frø kan merka vibrasjonane frå regndropar.
I eit forsøk la forskarar tusenvis av risfrø i grunt vatn. Nokre av frøa vart utsette for vassdropar som laga lydar og vibrasjonar som ekte regn. Andre frø fekk vera i stille vatn.
Frøa som «høyrde» regnet, spirte mykje raskare, skriv News For Kids.
I gjennomsnitt voks dei rundt 30 til 40 prosent raskare enn frøa som låg i stille vatn.
Små delar inni frøet reagerer
Forskarane trur at små delar inni frøa, som blir kalla statolittar, reagerar på vibrasjonane frå regnet. Desse hjelper vanlegvis planten med å forstå kva som er opp og ned.
Då regndropane trefte vatnet, byrja statolittane å rista litt rundt inne i frøa. Forskarane trur dette kan vera det som set i gang spiringa.
– Energien frå regnlyden er nok til å få frø til å veksa raskare, seier MIT-forskar Nicholas Makris.
Kan hjelpa frøa å overleva
Forskarane trur denne evna kan hjelpa frø med å vita når forholda er gode for å byrja å veksa. Viss eit frø merkar regn nær overflata, tyder det ofte at det finst både vatn og lys i nærleiken.
Forskarane undersøkte berre risfrø i denne studien, men trur at andre plantar kanskje også kan merka regn på liknande måtar.
