Konkurransen Nikon Comedy Wildlife Awards har kåra dei artigaste og mest komiske bilda av dyr årleg sidan 2015. I år har det vore rekordmange deltakarar.
Den grublande sjimpansen
Dette bildet med namnet The Contemplative Chimpanse er teke av Arvind Mohandes. Han tok dette blinkskotet då han følgde ein flokk på 50 sjimpansar i jungelen i Uganda.
Ropande ekorn
Bildet Song of the Zeisel er teke av Kath Aggis. Det er teke Wien i Austerrike og viser eit ekorn som kallar på barna sine.
Dansande insekt
Jose Miguel Gallogo Molina tok bildet av ein kneler som ser ut som han dansar. Bildet med tittelen Mantis Flamenca er teke i Spania.
Akrobatisk Lemur
Andy Rouse tok bilde av ein av mange artige rørsler denne lemuren gjorde. Bildet har tittelen England Cricket’s latest weapon og er teke på Madagaskar.
Løvekjeft
Scott Frier tok bilde av ei holøve som ser ut som ho kjeftar på ei hannløve. Bildet er teke i Tanzania og heiter Nagging is a universal concept.
Rockestjerna
Sanjay Patil tok bildet The Rock Star i India. Det viser ei firfisle som står på to føter. Dette er for å avkjøle seg i den indiske sommarvarmen.
Hallo verd
Dette bildet av ein raud maur som ser gjennom eit hol i eit blad er teke av Alexander Pansier. Bildet med tittelen Hello World er teke i Nederland.
Hysterisk morosamt
Bildet med tittelen Laughing Out Loud er teke av ein nyfødd sel i Tyskland. Det er Ingo Hamann som har teke bildet.
Krasjlanding
Damyan Petkov fekk fanga augneblikket då ein fugl av arten hvitkinnsvartterne krasjlanda. Bildet har tittelen Whiskered Tern Crash on Landing og er teke i Bulgaria.
