Jacob (11)
Må ein slutta å leika når ein blir stor?
– Nei det må ein ikkje. Det kan ein velja sjølv. Eg har slutta å leika med bilar, men eg likar å leika gøymsel og trikken i skogen. Så spelar eg fotball, og det er jo ein slags leik det også.
Er leik viktig for deg?
– Det er ikkje så viktig for meg, men det er nok ulikt frå person til person.
Lilly (11):
Må ein slutta å leika når ein blir stor?
– Leik kan vera gøy for alle. Og ein kan driva med mange typar leik. Eg har ikkje så mykje fantasi, men eg likar å leike i skogen. Der spring me rundt og leikar trikken, gøymsel eller bom 30. Eg har slutta å leika med leiketøy.
Er leik viktig for deg?
– Eg synest det er fint at me finn på noko å gjera ilag. Det er gøy å vera saman med andre.
Kaja (11):
Må ein slutta å leika når ein blir stor?
– Eg synest ein kan halda fram med leik så lenge ein vil. Eg er ferdig med sandkasse, Barbie og ein del slike ting, men eg likar å leike bom 30, trikken og slike aktivitetar. På skulen leikar me av og til ein leik som heiter Menneskejegeren. Då skal ein prøve å «overleva» utan å bli fanga heile friminuttet. Det er gøy!
Er leik viktig for deg?
– Det er viktig for meg. Det gjer at livet ikkje blir keisamt og det gjer meg glad!
