Venstre-leiar Guri Melby meiner at barn bør få velje bøker dei sjølve har lyst til å lese, skriv Framtida.no.
No foreslår ho og partiet hennar å gi 127 000 elevar på 5. og 8. trinn eit gåvekort kvar på 450 kroner. Gåvekortet skal kunne brukast i alle fysiske bokhandlar og i nettbokhandlar.
Forslaget til Venstre er inspirert av countrystjerna Dolly Parton, som gjekk bort tidlegare i haust. Ho starta nemleg organisasjonen Imagination Library, som sidan 1995 har gitt bort over 300 millionar bøker til barn – om lag tre millionar bøker kvar månad.
Politikarane vil gjere endringar i skulen
Venstre sitt bokforslag blei først lagt fram i juni, men er no teke opp att i samband med at tala frå fjorårets Pisa-undersøking blei kjende. Undersøkinga viste at norske elevar no gjer det dårlegare i mellom anna lesing, enn dei gjorde i 2015.
Fleire parti på Stortinget har kome med forslag til tiltak for å betre elevane sine leseferdigheiter.
Høgre vil mellom anna ha fleire fysiske bøker, Framstegspartiet vil mellom anna ha nasjonalt mobilforbod og SV og Raudt vil mellom anna bruke meir pengar på skulebibliotek.
.jpg){kind=link}
.jpg){kind=link}