Ordet «maxxing» dreier seg om å gjere noko på best mogleg måte. Det mest populære maxxing-uttrykket er looksmaxxing, som altså dreier seg om å sjå best mogleg ut, skriv Framtida.no.
Når vi set «-maxxing» bak eit ord, betyr det at vi prøver å gjere noko så bra som mogleg. «Sleepmaxxing» betyr til dømes å prøve å sove best mogleg.
Opphavet til ordet kjem frå gaming og rollespel, kor spelarar snakkar om å maksimere ferdigheitene til ein karakter. I 2024 byrja konsept som «looksmaxxing» å spreie seg i sosiale medium, og gav uttrykket ny popularitet.
Dictionary.com skriv at uttrykket ofte vert brukt på ein spøkefull måte.
