Løver
- Ville løver lever i Afrika og India
- Løver et mellom anna sebra, gnu og antiloper
- Vekt: 120–250 kilo
- Levealder 10–20 år
- Antal ungar: 1–6
- Løver er ein utryddingstruga art
Kjelde: Dyreparken
29. april blei løvinna Kira (8) og hannløva Mufasa (12) foreldre til fire små løveungar. Løveungane veg no omtrent sju kilo og er friske, trivelege, ifølgje dyrepassar Olav Åsland.
– No er løveungane nesten to månader og ein kan merke på mora Kira at ho har lyst til å ha dei med ut, seier dyrepassaren.
Løveungane, som hadde vore innandørs sidan dei blei fødde, fekk koma ut for første gong 26. mai. Her kan du sjå video av deira første møte med frisk luft og natur, saman med mora Kira:
Dyrepassar Olav fortel at det gjekk veldig fint å sleppe ut løveungane – at dei var litt skeptiske i starten er heilt vanleg. Løveungane fann samstundes tryggleik hos mora og storesøstera (den andre løvinna du ser i videoen) medan dei utforska ute.
Resten av sommaren skal dei fire løveungane få gå ut og inn akkurat som dei vil.
