Det har aldri vore ein direkte samtale mellom ein sitjande amerikansk president og ein nordkoreansk leiar før.
Ei stor ære
På luksushotellet Capella på den vesle øya Sentosa i Singapore snakka dei to åleine, berre ved hjelp av tolkar.
LES MEIR: Stormøte mellom Tump og Kim Jong-un
LES MEIR: Kim Jong-un har med sin eigen do til møtet med Trump
– Eg har ein veldig god følelse. Vi kjem til å ha kjempegode diskusjonar og kolossal suksess. Dette er ei stor ære for meg, og vi kjem til å ha eit fantastisk forhold, det er eg ikkje i tvil om, sa Trump.
Mange hindringar
– Det var ikkje enkelt å kome hit. Fortida har halde oss tilbake, og gamle fordommar har dekt auge og øyre. Det har vore mange hindringar, men vi har overvunne dei og er her i dag, sa Kim.
No har dei lova at dei skal jobbe saman, og dei har bestemt seg for å legge tidlegare krangling bak seg.
Så får tida vise om Nord-Korea gjer alvor av å øydelegga atomvåpena sine.
