Mora bestemte seg for å skrive eit innlegg på Facebook der ho søkte etter ei venninne til Hanna. Ei som kan kome på besøk for å leike, lese, høyre på musikk lakke negler – ja, vera ei heilt vanleg venninne.
– Hanna har ingen vener som kjem på besøk etter skuletid. Difor blir ho heller aldri invitert i barneselskap. Ho har heller ikkje nokon å be i sine eigne bursdagar, fortalte mamma Mette Elisabeth Eknes til NRK.
Rørande
No har innlegget blitt delt over 500 gongar, og mange, mange har tatt kontakt.
– Det er rørande å sjå at så mange bryr seg
Hanna er født med cerebral parese, som gjer at musklane i kroppen ikkje lystrar heilt som dei skal. Ho har også andre funksjonshemmingar. Difor går ho på Frydenhaug skule i Drammen. Det er ein skule for dei med spesielle behov.
Mange vener
Etter at innlegget vart publisert på Facebook, tok det ikkje lang tid før Mette fekk meldingar.
– Folk frå heile landet ønskjer å bli venninne med Hanna, seier Mette. No er det så mange som har sendt melding, at ho må seie nei til nokon.
– Det er vondt å måtte seie nei, men no har vi femten som ønskjer å bli kjent med Hanna. Det er mange nok for oss, seier ho muntert til NRK.
