Skriv ein tekst eller lag ein teikneserie om korleis du ser for deg heimplassen din i år 2050. Kva trur du vil forandra seg frå korleis heimplassen din er i dag?
Du kan velja å skriva eller teikna om eitt av fire tema:
1. Natur og klima: Korleis trur du naturen og klimaet vil endra seg? Kva håpar du kan skje? Kven meiner du har ansvaret for det?
2. Transport: Korleis vil skuleelevar koma seg til skulen i framtida? Kva transportmiddel vil vi bruke i det daglege – og når vi skal på ferie?
3. Arbeid: Kva nye yrke vil vi trenge i framtida? Kva trur du folk vil jobba med på heimplassen din i framtida?
4. Skule: Korleis trur du skulen vil vera i framtida? Kva er det viktig at elevane lærar i framtida? Og kvifor er det viktig?
Krav:
– Teksten må vera mellom 100 og 400 ord.
– Teksten må vera på nynorsk for å bli med i trekkinga av premiar.
Frist: 15. mars 2023
Vinn fine premiar
Dei beste bidraga blir publiserte i Framtida Junior. Vi plukkar òg ut fleire bidrag som får t-skjorte og abonnement på papiravisa Framtida junior i to månader og bokpakke frå Foreningen !les. Den beste klassen med flest gode tekstar og teikneseriar får 1000 kroner i premie.
Tips
1. Her finn du tips til å skriva lesarbrev!
2. Les tips til korleis du lagar teikneseriar!
3. Lag dine eigne teikneseriar!
4. Her får du tips til å laga teikneseriar frå Dunce-sjefen!
Innsending
Send teksten kopiert inn i ein e-post til framtidajunior@gmail.com og ole@foreningenles.no. Det går òg an for læraren å senda alle tekstar frå klassen samla.
Skriv «Skrivekonkurranse 2023» i emnefeltet. Hugs namnet ditt og kva slags skule du går på.
Konkurransen er eit samarbeid mellom Framtida Junior og leseaksjonen Tid for ti i regi av Foreningen !les og Nynorsksenteret. På tidforti.no kan du lese utdrag frå fleire gode bøker.
