Nynorsk kultursentrum har delt ut prisen til personar og organisasjonar som arbeidar for å fremja nynorsken sidan 2000.
– Framtida Junior får prisen for å bryta veg for meir nynorsk i digitale medieflater, med varierte emne for 7-13-åringar, seier styret i Nynorsk kultursentrum
Framtida Junior-redaksjonen er takksame for å få denne prisen.
– Det er veldig motiverande for å halda fram med å gje eit godt nynorsktilbod til barn og unge, fortel Framtida Junior-redaktøren.
Minner frå det siste året
Vidare i saka kan du lesa eit par av sakene me er ekstra stolte over frå det siste året.
Benjamin kan leva som den han er: – Eg føler meg friare
Då Benjamin innsåg at han var gut, heldt han det først heilt hemmeleg. Men no smiler han meir enn før.
Les meir av historia til Benjamin her.
Martim (10) kjende seg utanfor og lei seg. Så oppdaga han ei ny moglegheit
Medan dei andre i klassen spelte fotball, sat Martim Santos på sidelina. Men no har han funne ein idrett som han kan verta skikkeleg god i.
Les meir om Martim her.
Ella (7) sende brev til statsministeren
Det er altfor dyrt med hus, meiner Ella Vatne Steinholt. No ber ho statsministeren ta grep.
Les vidare om brevet Ella skreiv til statsministeren her.
Ønskjer å læra meir om pengar på skulen
Personleg økonomi har kome på pensum, men både fleire elevar og bankar kunne ønskt at det var endå meir.
Les heile saka om økonomiundervisning på skulen her.
Kunnskapsminister Tonje Brenna meiner at både skulen og foreldre må læra barn om personleg økonomi.
Les svaret frå kunnskapsministeren her.
Bjarte (15) jobbar for betre psykisk helse i skulen
Det er viktig at alle har nokon å vera i lag med, seier Bjarte Notland Tjensvoll.
Les meir om kva Bjarte gjer for å betre psykisk helse i skulen.
Meiner politikarane gjer for lite: – Krystallklar og knusande dom frå barn og unge
Dei aller fleste barn og unge i Noreg er misfornøgde med korleis politikarane tek tak i klimakrisa. Det kjem klart fram i ei ny undersøking.
Les vidare om kva miljøagentane meiner her.
