Regjeringa valde å vera meir forsiktig enn råda dei fekk frå ekspertar, og vil berre opna skulen for alle elevar på 1.-4.trinn frå måndag 27. april. Eldre elevar må venta meir.
Dani-Aron Østhus Pedersen (12) frå Eikefjord var med i skrivekonkurransen til Framtida Junior med tema korona og heimeskule. Han vann heile konkurransen.
I vinnarinnlegget skriv han at det har vore vanskeleg, tungt og lærerikt å ha heimeskule.
– Det går veldig mykje betre no, seier 12-åringen frå Eikefjord i Kinn kommune på telefon.
No har han blitt van med å bruka Teams, Onenote og andre digitale verktøy.
- LES OGSÅ: Dani-Aron sitt vinnarinnlegg
– Litt sjalu
I innlegget skriv han om det ikkje har vore så enkelt å plutseleg skulle vera sin eigen lærar, heime i huset, saman med lillesøster i 3. klasse og veslebror som går i barnehagen.
– Eg litt sjalu på dei som får gå på skulen. Det har eg òg lyst til. Eg håpar me får koma tilbake snart, helst veka etter dei andre, seier Dani-Aron Østhus Pedersen.
