– Ikkje berre får ein jobbe med dyr, men ein forskar også på korleis ting i naturen heng saman, fortel ho til Framtida.
Det er veldig spanande å vere marinebiolog. Akkurat no jobbar ho med korleis sjøørret oppfører seg.
– Ikkje berre får ein jobbe med dyr, men ein forskar også på korleis ting i naturen heng saman.
Mykje ute i naturen, og ein del på kontoret
Dagane til Susanna er varierte. Noko ho synest er moro.
– Nokre gongar er eg ute i fjorden og fiskar, og merker fisk med sendarar slik at vi kan følgje med på åtferda deira. Andre dagar jobbar eg på kontoret med å analysere den informasjonen vi har samla inn i naturen. Så er det også nokre dagar der eg reiser rundt og held føredrag om det vi har funne ut eller underviser på universitetet. Det er veldig moro.
– Kva er det mest utrulege som har hendt deg på jobb?
– Her heime på sørlandskysten har eg blant anna hatt ei lita utfordring med hummar som stal båtnøkkelen vår.
