Steffen Slåbakk Haugan (10)
Korleis reagerer du om du ser ein edderkopp heime?
– Eg reagerer ikkje, eg tenkjer berre “ok, der var det ein edderkopp”, så ordnar mamma resten.
Har du ein god edderkopp-historie?
– Eg har faktisk ikkje sett ein edderkopp sidan vi budde i det gamle huset. Så då blir det ikkje mange historiar.
Lars Erik Petterson Fjelland (10)
Korleis reagerer du om du ser ein edderkopp heime?
– Det gjer ikkje noko. Eg tek edderkoppen i handa og slepp den ut.
Har du ein god edderkopp-historie?
– Ein gong rydda veslebror, mamma og eg i nokre esker. Der låg det ein edderkopp på lur, og veslebor blei livredd. Han trudde den kom til å ete han, så han prøvde å drepe den med ein leikehammar. Eg plukka den opp og sprang etter veslebror med den. Etter det slapp eg edderkoppen ut.
Teodor Flodsand (10)
Korleis reagerer du om du ser ein edderkopp heime?
– Eg plukkar han opp og etter ei stund let eg han springe videre. Eg slepp han laus, men det er mest for å plage systra mi som er redd for edderkoppar.
Har du ein god edderkopp-historie?
– For to dagar sidan var det ein edderkopp hos oss, og då hadde eg han i handa mi. Så lukka eg handa og bevegde armen slik at systra mi trudde eg kasta han på ho. Då byrja ho å grine.
