Nokre år er det 53 veker i løpet av året. Dette skjer dersom 1. januar hamnar på ein torsdag eller dersom det er skotår og 1. januar er ein onsdag.
Eit skotår er når vi har 29 i staden for 28 dagar i februar. Då får vi 366 dagar i løpet av eit år. Dette skjer kvart fjerde år.
Kvifor ei veke ekstra?
I ei veke er det sju dagar, medan det er 365 dagar i eitt år. Samstundes utgjer 52 veker berre 364 dagar. Det gjer at det blir éin dag til overs dei åra vi berre har 52 veker.
Til slutt blir det samla opp så mange dagar at vi får eit ekstra vekenummer i løpet av året. Det betyr rett nok ikkje at vi får fleire dagar i løpet av året, sjølv om vi har eit vekenummer ekstra.
Seks år til neste gong
I år – i 2026 – fall 1. januar på ein torsdag, og kalenderen blir dermed delt inn i 53 vekenummer i staden for 52.
Vanlegvis går det fem-seks år mellom kvar gong det er 53 veker i året. Andre gongar kan det gå opp til elleve år.
Førre gongen vi hadde 53 veker, var i 2020. Då var det skotår og 1. januar var på ein onsdag.
Neste gong vi får 53 veker, etter 2026, blir i 2032. Då er 1. januar på ein torsdag igjen.
Kjelde: timeanddate.no
