Fotball-VM i 2026 skal arrangerast i USA, Canada og Mexico. Fleire av kampane skal spelast i byar der det kan bli veldig varmt om sommaren.
– Me må førebu oss på det ekstreme, seier landslagslege Ola Sand til VG.
For å hjelpa spelarane planlegg landslaget mellom anna isbad, ekstra drikke og kortare treningar. Spelarane kan også reisa tidlegare til USA for å venna seg til varmen.
Ifølgje VG viser forsking at fotballspelarar spring mindre og blir fortare slitne når det er veldig varmt.
– Bruk badstove no, seier forskaren Lee Taylor til VG.
Han forskar på korleis kroppen reagerer i sterk varme.
Landslagslegen seier at det blir viktig å følgja nøye med på at spelarane får i seg nok væska.
– Me overvaker væskebalansen nøye, seier Ola Sand.
