Viss menneske skal bu på månen, må dei kunna laga sin eigen mat. Det er altfor dyrt og vanskeleg å frakta mat frå jorda.
No trur forskarar at løysinga kan vera noko me vanlegvis skyl ned i do. Dei vil bruka kloakkvatn – altså vatn med avføring og urin – til å dyrka plantar, skriv Ung. Forsking.
Næringsstoff
I kloakken finst det nemleg viktige næringsstoff som plantar treng for å veksa. Ved å reinsa vatnet godt, kan det bli brukt som gjødsel i eit lukka system på månen.
Målet er å laga eit system der nesten alt blir brukt på nytt. Då kan astronautar både få mat, vatn og luft frå dei same krinsløpa.
Forskarane trur slike løysingar kan bli heilt nødvendige viss menneske ein dag skal leva lenge på månen.
