Spekkhoggarar er blant dei smartaste dyra i havet. Dei er flinke jegerar og samarbeider godt i grupper.
Mange trur at dei er farlege for alle andre dyr, men slik er det ikkje alltid, skriv Ung.Forskning.no.
Jaktar ikkje
Forskarar har sett at spekkhoggarar av og til sym etter delfinar. Det kan sjå dramatisk ut, men det handlar ikkje om jakt. I staden ser det ut til at spekkhoggarane følgjer med på kva delfinane gjer, og kvar dei sym.
Delfinar er svært sosiale dyr. Dei lever i grupper og er flinke til å finna fisk. Når dei finn ein stad med mykje mat, samlar det seg ofte fleire delfinar der. Då kan også spekkhoggarane få auge på området.
Treng hjelp
Forskarane meiner at spekkhoggarane bruker delfinane som ei slags hjelp til å finna mat. I staden for å leita heilt åleine, følgjer dei med på delfinane som allereie har funne gode stader.
Dette viser at livet i havet ikkje berre handlar om kven som er sterkast. Det handlar også om å vera smart, samarbeida – og læra av andre.
