Dyreparken jobbar for å verne om gepardpopulasjonen. Difor har dei no fått to hanngepardar frå Wilhelma Zoo i Stuttgart, Tyskland.
I ei pressemelding forklarar parken at det har vore altfor få gepardfødslar dei siste åra, og Dyreparken har vist seg å vere ein av dei få stadane som har klart å avle fram fleire gepardar.
Planen er at hanngepardane, som er brør, skal få ungar med hogepardane som er i parken.
I tillegg vil Dyreparken få endå ein hogepard. Ho kjem frå Sverige. Dette vil bidra endå meir til avlinga av gepardar.
Geparden er det raskaste dyret til lands i verda. Dei kan kome opp i ei fart på 100 kilometer i timen.
Arta er rekna som sårbar av Den internasjonale naturvernunionen (IUCN).
