Artistar krev at Israel ikkje får vera med i Eurovision

Kring 300 norske artistar har skrive under eit opprop der dei krev at Israel blir utestengd frå songkonkurransen Eurovision.

Blant artistane er Åge Aleksandersen, Karpe, Dagny, Aurora og Sondre Justad, skriv NRK.

Den europeiske kringkastingsunionen, som arrangerer Eurovision Song Contest, har svara at dei ikkje vil stenga ute Israel. Dei meiner konkurransen er for kringkastarar, og ikkje regjeringar.