FN melder om 6,9 millionar internt fordrivne menneske i Den demokratiske republikken Kongo. Det er høgare enn nokosinne. Konflikten i DR Kongo har føregått i fleire tiår, og er hovudgrunnen til at folk har mått flykte.
Dei fleste av flyktningane har busett seg i dei austlege provinsane av landet. Her er det fleire væpna grupper som delvis slåst over gullressursane som eksisterer i området.
FN har fredsbevarande styrkar i landet no, men etter å ha vore der i to tiår har dei vore under press til å forlate området.
