Førre tysdag prenta avisa Grenda eit brev som Oddbjørn sendte til ordføraren. Der etterlyste Oddbjørn nytt busskur på Ænes.
Heile brevet er som følgjer: Kan du byggja nytt busskur på Ænes? Når det regnar blir eg så våt. Helsing Oddbjørn Enæs. Eg er 6 år.
– Sjarmerande
Ordførar Peder Sjo Slettebø la like etter ut ein kommentar på Facebook-sida si der han svara 6-åringen.
– Dette er vel eit av dei mest sjarmerande breva eg har fått i mi ordførargjerning. Viss ikkje Vegvesenet set det opp, så får eg vel finna fram hammar og spiker sjølv, meldte Slettebø.
Statsminister Erna Solberg hadde også noko ho ville seie om saka.
– For oss gamle Ænesferierande er dette eit viktig framsteg, kommenterte ho på Instagram.
