Fakta om Mars
- Mars er den fjerde planeten frå Jorda.
- Den er halvparten så stor som Jorda, om me ser på radiusen.
- Overflatetemperaturen på Mars varierer frå minus 5 grader til minus 87 grader.
- Mars er kalla opp etter den romerske krigsguden.
- Mars blir også kalla for den raude planeten. Grunnen er at den ser raud ut frå Jorda.
- Mars har to månar som heiter Phobos og Deimos. Begge to er små og har uregelmessig form.
– Viss det er ein ting me veit, så er det at det aldri er enkelt å landa på Mars, skriv Marc Etkind, som jobbar som Associate Administrator for Communications i NASA i ei pressemelding.
Under landinga vil roveren stupa gjennom den tynne atmosfæren på Mars, i ei fart på meir enn 12.000 kilometer i timen.
Deretter vil ein fallskjerm og ein styrt nedstigning senka roveren ned til ei fart på om lag 3 kilometer i timen. Til slutt skal roveren senkjast ned ved hjelp av tre kablar, og forhåpentlegvis landa trygt på den raude planeten.
Strøymer landinga
I kveld kan du følga med på om den femte Mars-roveren til NASA, landar trygt eller ikkje.
Sendinga kan sjåast på fleire sosiale medium, mellom anna på YouTube-kanalen til NASA. Om du vil sjå landinga på norsk, kan du følgja sendinga til Romkapsel på Facebook.
– Me er glade for å invitera heile verda til å dela denne spennande hendinga saman med oss, skriv Etkind.
Sjå meir her:
