I Spania har dei planar om å innføre nye restriksjonar på kor mykje skjermtid elevane skal ha i skuletida. Det melder den britiske avisa the Guardian.
Dei vil redusere tidsbruken til to timar i veka for barn mellom ti og tolv år. For dei som går i klassane under, er det endå mindre tid. For tredje- og fjerdeklasse skal det ikkje vere lov med meir enn ein og ein halv time i veka.
Dette skal dei spanske skulane starte med frå september, då det nye skuleåret byrjar.
I tillegg har ikkje lærarane lov å gi lekser som er på skjerm. Og når det her er snakk om skjerm, gjeld det alt frå mobiltelefon til datamaskin.
