Du kan velja mellom desse oppgåvene:
- Lag ei teikneseriestripe av ein vits, eller ei morosam historie du har laga sjølv.
- Lag ein teikneserie der du viser kva som er kjekt med ein fritidsaktivitet du er med på.
- Lag ein teikneserie om fakta som andre kan synast er interessant og spennande – for eksempel tre-fire fakta om vulkanar, steinalderen eller SpaceX-rakettar – eller andre fakta!
Premie: Førsteplass får 500 kroner, abonnement på Framtida Junior og t-skjorte. Beste klasse får 1000 kroner og klassesett av papiravisa til Framtida Junior. Det blir trekt ut t-skjorte, avis og bokmerke til fem andre deltakarar i konkurransen!
Dei beste teikneseriane blir publiserte på nettsidene til Framtidajunior.no og Falturiltu!
Krav:
• Teikneserien må vera maks ei liggande A4-side (cirka 3–6 ruter). Brett gjerne A4-arket i to på høgkant, og lag ei teikneseriestripe ut av den.
• Skriv tydeleg eller bruk skrift frå pc viss teikneserien har snakkebobler.
• Teksten må vera på nynorsk for å bli med i trekkinga av premiar.
• Skriv «Teikneserie» i emnefeltet.
• Skriv namnet ditt og kva slags skule du går på.
Frist: 15. desember 2024
Send teikninga som bilete til: framtidajunior@gmail.com
Det går fint an om læraren sender inn på vegner av fleire elevar!
Her får du tips til å laga teikneseriar frå Dunce-sjefen!
Og les intervju med den tidlegare vinnaren av teikneserie-konkurransen vår!
