Nord-Korea
- Eit land som ligg på den koreanske halvøya, og har kyst mot Stillehavet
- Landet er litt mindre enn ein tredel av Noreg i storleik
- Det bur 26,1 millionar menneske i landet
- Republikk (har ikkje konge eller dronning)
- Posisjonen som statsleiar i landet går i arv
- Eitt av dei fattigaste landa i verda
- Menneskerettssituasjonen er dårleg
- Innbyggjarane har ikkje fridom mellom anna når det gjeld religion og politikk
- Innbyggjarar kan bli forfølgde på bakgrunn av mellom anna rase og kjønn
- Det er dødsstraff for å flykta ut av landet
Kjelder: Vesle Norske Leksikon og FN.
Allereie dagen før, den 8. september, starta ei svær feiring av 76-årsjubileet i Nord-Korea. Då var det kveldsgalla i hovudstaden Pyongyang.
Kveldsgallaen bestod av framsyningar med song og dans, mellom anna framført av skuleelevar.
Tre generasjonar leiarar
På sjølve nasjonaldagen, i dag 9. september, var innbyggjarane kommandert ut for å heidra leiinga i landet. Dette gjorde dei mellom anna ved å leggja ned blomar framfor dei enorme statuane av dei to tidlegare leiarane i landet. Dette er far og bestefar til den noverande leiaren Kim Jong-un.
Nord-Korea er eit diktatur som blei grunnlagt i etterkant av andre verdskrig – 9. september 1948. Eit diktatur er det motsette av demokrati og vil seia at éin eller berre nokre få personar har all makta i landet.
Koreakrigen
Før 1948 var Nord- og Sør-Korea eitt land. Med eit ønske om at dei to landa skulle foreinast på nytt, gjekk Nord-Korea til angrep på Sør-Korea i 1950.
Dette resulterte i Koreakrigen som vara til 1953. Han førte til at 200 millionar menneske mista livet og landa fortsette å vera skilde. Les meir om Korea-krigen her!
Nord-Korea har etter krigen halde fram med å ha eit fiendtleg forhold til Sør-Korea og den viktige støttespelaren deira USA. Nord-Korea er i dag eitt verdas mest lukka land.
