Sjølv om «My Little Pony»-serien er laga for barn, og fokuserer på magien ved vennskap, har «My Little Pony» også tidlegare skapt bekymring i Russland, skriv NRK.
Den russiske filmdatabasen Kinopoisk sette aldersgrensa på serien til «18+» i desember i fjor.
Populær ponny
My Little Pony kom på marknaden som Earth Ponies i 1982 og fekk tilhøyrande klede utover på 1980-talet. Til å byrja med var ponnien berre å finna med samla bein og i fullvoksen ponnivariant. Seinare har det komme babyponniar og oppreiste og sitjande variantar.
My Little Pony har også vorte marknadsført gjennom fire teiknefilmseriar for fjernsyn, kinofilmane My Little Pony: The Movie (1986) og My Little Pony: The Movie (2017) og fleire andre salsvarer med utgangspunkt i figurane, ifølgje Wikipedia.
Det var NTB som fyrst omtala saka i Noreg.
