Boka «Ti kniver i hjertet» vann prestisjepris i USA

Kvart år deler den amerikanske bibliotekforeininga American Library Association ut ei rekkje viktige prisar. I år vann den norske barneboka ein av dei.

– Eg er veldig rørt og veldig glad, skriv den norske forfattaren og illustratøren Nora Dåsnes til VG.

Prisen Dåsnes vann, heiter «Stonewall-prisen». Den blir gitt til ei barnebokutgiving som omhandlar LHBT+.

På engelsk heiter boka «Cross My Heart and never Lie». Boka handlar om Tuva som går i 7. klasse og skriv dagbok om forelsking.

BOKA: Den norske utgåva av boka “Ti kniver i hjertet”. Bokomslag: Aschehoug