Kvar september sidan 2017 har himmelen i Kristiansand blitt fylt med fargerike drakar. Festivalleiar Andrea Bang seier målet med festivalen er å samle folk frå ulike land som bur i byen.
– Vi ønsker å bidra til at Kristiansand blir ein meir leiken og inkluderande by, seier ho.
Drakefestivalen har ulike aktivitetar for barn, mellom anna ein drakeverkstad og flygekonkurransar.
2000 år gammal aktivitet
Andrea har lært mykje om drakar sidan ho blei festivalleiar.
– Eg har mellom anna lært at drakeflyging er ein 2000 år gammalt aktivitet frå Kina. Det hadde ulike funksjonar, og blei også brukt i krigføring, fortel ho.
Viss du vil lage din eigen drake, anbefaler Andrea å sjekke ut instruksjonsvideoar på YouTube og få hjelp av ein vaksen.
– Gjer det enkelt og bruk fantasien. Bambuspinnar og ein plastpose er ofte nok, seier ho.
