Forretningsmannen har tidlegare sagt at pengar ikkje var grunnen til at han kjøpte Twitter.
– Eg har ei sterk kjensle av at det å ha ei offentleg plattform, som er maksimalt påliteleg og breitt inkluderande, er ekstremt viktig for framtida til sivilisasjonen. Eg bryr meg ikkje om økonomi i det heile.
Det sa Musk under ein TED-konferanse i Vancouver i april.
Opnar for Donald Trump-comeback på Twitter
I januar i fjor blei den tidlegare presidenten i USA, Donald Trump, utestengd frå Twitter etter at den amerikanske kongressbygningen blei storma av demonstrantar. No seier Musk at han er ueinig i utestenginga.
– Eg ville ha reversert utestenginga, men eg eig ikkje Twitter enno, så det er ikkje noko som definitivt vil skje, sa Tesla-sjefen i eit direktesendt intervju.
Twitter har sagt at Trump er utestengd for godt, fordi presidenten har brote reglane i selskapet.
