Sommarparkane i Noreg
Dei kommande vekene kjem me til å presentera kva som skjer, kva som er nytt og kva reglar som gjeld med tanke på smittevern i desse parkane:
- Bjørneparken i Flå
- Hunderfossen i Lillehammer
- Sommarland i Bø
- Mikkelparken i Kinsarvik
- Dyreparken i Kristiansand
- Tusenfryd i Ås
- Kongeparken i Ålgård
Me har tatt ein prat med dei store sommarparkane i Noreg, slik at du og familien din veit kva som møter dykk der, og korleis de må planleggja for å få mest ut av opphaldet.
I dag går turen til Tusenfryd i Ås.
Kva skjer i parken?
Også i Tusenfryd gler dei seg til sommaren, med besøk av nordmenn som er glad i fart og spenning. Thundercoaster, Ragarok og Speedmonster er nokre av attraksjonane som ventar.
– Våre 650 medareidarar står klar til å ønska alle velkommen til ei trygg og sikker park, seier marknadssjef Erik Røhne Andersen.
Kva er nytt i år?
Det er ingen nyheiter på Tusenfryd i år, men det er gjort enkle forbetringar og oppgraderingar på enkelte eteplassar, butikkar og spel.
Korleis passar parken på smittevern?
Som i dei andre parkane forventar dei å bli fullbooka fleire dagar, og det er lagt til rette for gode smitteverntiltak.
– Det er viktig å halda seg heima om du har symptom på korona. Alle må kjøpa billettar på nettet og det er viktig med god handhygiene. Ein meters-regelen gjelder også her, i tillegg til at det må brukast munnbind i alle køar, seier han.
