Agnete Nedrevåg Espelid (9) bur i Ulvik. Her bur det berre 1067 innbyggarar. No er den vesle kommunen ramma ganske hardt av den engelske muterte versjonen av korona. Torsdag sist veke var det til saman 53 smitta i kommunen. Så langt har ein funne ut av fem av dei har den engelske muterte versjonen av viruset.
Agnete synest det er dumt at det muterte viruset er kome til Ulvik.
– Fordi lillebroren min har fått korona.
Ho synest det er kjempedumt at idretten har stengt ned.
– Eg pleide å gå på ein idrett saman med bestevennen min.
Likar heimeskule
No har Espelid heimeskule grunna nedstenginga.
– Det er kjempeflott. Me får meir teikneoppgåver.
– Gler du deg til korona er over og kva skal du gjera då?
– Ja, då skal eg gjera alt mogeleg, og så veit eg ikkje heilt fordi eg har ikkje planlagt for det.
– Er du bekymra no når det er korona?
– Litt.
Korona og bursdag
Korona kom rett før bursdagen hennar, så då kunne ho ikkje feire den. Det synest ho var kjempedårleg.
– Det er ei jente som har bursdag på same tid som meg, og me vart om lag like lei oss, avsluttar ho.
