Enkelte kulturskular melder om ein liten nedgang i talet på søkjarar, medan nokon fortel at dei satsar på å utvikle fleire tilbod denne hausten fordi fleire barn og unge vil trenge aktivitetar som passar inn i koronasituasjonen.
– Koronasituasjonen gjer nok enkelte elevar og foreldre urolege når det gjeld å starte opp att med aktivitetar etter ferien, seier Egil Hofsli. Han er kommunikasjonssjef i Norsk kulturskoleråd.
– Kulturskulen er noko av det tryggaste du kan halde på med på fritida. Vi har laga ein smittevernrettleiar som skal hjelpe kulturskulane å drive på ein trygg måte, fortel han.
Fleire kulturskular har ledige plassar!
Ønskjer du å melde deg på kulturskulen i din kommune? Kulturskulen har påmelding på nett. Google namnet på kommunen du bur i pluss «kulturskule». Finn du ikkje fram? Ring kommunen. Dei hjelper deg!
