Denne saka stod fyrst trykt i den danske avisa Politiken.
Julenissen si postkasse har blitt flytta til den vesle byen Uummannaq på Grønland. Byen har 1300 innbyggarar.
Her skal skuleelevar få vere med å hjelpe nissen med å svare på breva som kjem.
På den måten får fleire svar frå julenissen.
Kven veit? Kanskje du får svar om du sender?
Du kan jo prøve. Adressa er:
Julenissen
3961 Uummannaq
Grønland
Fakta om Grønland
Grønland er verdas største øy. Geografisk høyrer øya til Nord-Amerika, men politisk høyrer ho til Europa. Grønland var eigd av Danmark, men har hatt sjølvstyre sidan 1978. I 2009 fekk dei utvida sjølvstyre, utanom utanriks- og sikkerheitspolitikken. Dronning Margrethe er dronning i Grønland.
- Det bur 56 171 personar der (tal frå 2017).
- Dei snakkar grønlandsk.
- Valutaen er Danske kroner (DKK)
