I veke 40 og 41, når norske barn har haustferie, vil Norwegian-fly over heile Europa bli fylt med teiknebøker og fargeblyantar, opplyser flyselskapet i ei pressemelding.
Når flyet landar, kan barna levere teikningane sine til flypersonell. For kvar teikning som blir levert, gir flyselskapet 25 kroner til UNICEF Norge, med ein makssum på 350 000.
Samstundes blir nokre av teikningane valt ut som dekorasjon på halen til Norwegian-fly. Teikningane vil bli plasserte på flya neste år i samband med at Norwegian og UNICEF Norge feirar at dei har samarbeidd i 20 år.
