Apane lever i store flokkar, men går rundt og leitar etter mat i mindre grupper. Ein ny studie viser at apane gjerne røper kvar dei finn best og mest frukt, skriv Ung.Forskning.no.
Det verkar kanskje rart at dei ikkje held fruktstadene sine hemmelege. Men forskarane har ei forklaring: Apane deler ikkje kunnskapen berre av godheit – det er fordi dei får noko tilbake når dei byter gruppe. Apar som veit om eit tre med mykje frukt, kan byta gruppe med ein annan ape. Då får begge to vita om nye stader å finna mat.
– Det er ikkje tilfeldig. Det er eit smart system for å dela innsideinformasjon om dei beste frukttrea, fortel forskar Matthew til Ung.Forskning.no.
Slik får alle apane i flokken litt betre oversikt over kvar det finst mat – og ingen går tom for gode stader å finna frukt.
