Alle som har kutta lauk opplever det: plutseleg byrjar det å svi i auga, og tårene trillar. Men kvifor skjer det eigentleg?
Forskarar ved Cornell University i USA har funne svaret, skriv Forskning.no. Når du skjer i lauken, blir cellene i den øydelagt. Då slepper han ut eit stoff som heiter propanetial S-oksid – og det flyg rett opp mot auga dine. Stoffet gjer at det svir og renn tårer, nesten som om auga prøver å vaska bort irritasjonen.
Forskarane brukte spesialkamera for å sjå kva som skjer når ein kniv skjer gjennom lauken. Dei oppdaga at saft og gass skyt ut som små sprut, nokre gonger i høg fart – opptil 40 meter i sekundet.
Det beste trikset
Men dei fann også ut kva som hjelper:
- Bruk ein skarp kniv. Då blir lauken pressa mindre saman før han blir delt, og det blir mindre sprut.
- Kutt roleg. Når du ikkje hastar, blir færre dropar slyngde ut i lufta. Forskarar minner også om at slike små dropar kan spreia bakteriar om grønsakene ikkje er heilt reine. Så det er alltid lurt å vaska hendene og kjøkkenutstyret godt etterpå.
Neste gong du skjer lauk, kan du altså tenkja som ein forskar: kutt sakte og med ein skarp kniv.
(Kjelde: Forskning.no)
