For Pernille frå Sunde i Kvinnherand kommune var det kjekt å starta på skulen igjen etter sommarferien.
– Det var gøy å få møta vennar igjen, og det er gøy å læra nye ting, fortel ho.
Det beste med å vera tilbake på skulen er at ho ikkje treng å kjeda seg.
– Eg likar å læra ting, og å sleppa å sitja heime og kjeda meg, seier Pernille.
Når hausten kjem, legg ho ekstra godt merke til naturen rundt seg.
– Det kjekkaste med hausten er at det blir så fine fargar. Eg likar fargar, fortel ho.
Denne hausten har Pernille lyst til å prøva nokre nye fritidsaktivitetar.
– Eg har lyst til å begynna med ballett og skodespel, fortel ho.
Ho har laga seg nokre mål for det kommande skuleåret.
– Eg skal bli betre til å teikna, spela skodespel, dansa og lesa.
Og etter skuledagen veit ho godt kva ho likar best å gjera.
– Då likar eg best å slappa av, vera med vennar – og dansa!
