Ein ny studie viser at fuglar tilpassar seg bylivet og dei skarpe lysa dei lever blant der, skriv forskning.no. Forskarane ved Washington State University i USA såg på auga til fuglane raudkardinal og karolinasmett i ein ny studie. Fuglane som budde i byane, hadde fem prosent mindre auge enn fuglar som budde utanfor byen.
Forskarane såg også på augestorleiken til to trekkfuglartar, pavespurv og kvitaugevireo. Dei var i byen delar av året og flydde til varmare område om vinteren. Desse trekkfuglane hadde ikkje fått mindre auge.
Tilpassar seg
Trekkfuglane fekk altså ikkje mindre auge, men fuglane som budde i byen heile året, fekk mindre auge. Forskarane meiner derfor at fuglar får mindre auge av alle dei skarpe lysa i byen.
Når fuglane får mindre auge, tilpassar dei seg byen dei lever i. Trekkfuglane som ikkje tilpassar seg, kan derimot få problem når dei er i byane og blir blenda av alle lysa.
