Den australske regjeringa førebur no ei folkeavstemming 14. oktober, ifølgje The Sydney Morning Herald. Spørsmålet australiarar må svara på, er om dei vil endra grunnlova for å anerkjenna urfolka i Australia. Dei kan anten svara ja eller nei.
Viss fleirtalet svarer ja, vil det bli lagt til ein ny del i grunnlova om urfolk. I tillegg vil det bli oppretta eit råd som skal uttala seg i saker som handlar om urfolk.
Alle australske statsborgarar over 18 år må stemma i folkeavstemminga. Viss dei ikkje stemmer, og ikkje har ein gyldig grunn, kan dei bli bøtelagde.
