Queensland
- Delstat i Australia
- Omfattar heile den nordaustre delen av det australske fastlandet
- Hovudstad og største by: Brisbane
- Innbyggjartal: 5 320 496
Kjelde: Store norske leksikon
Brotsverka barn kan risikere å hamne i fengsel for er til dømes alvorlege overfall, innbrot og mord. Tidlegare har barn si straff blitt vurdert på eit eige grunnlag, men no vil det vere like lett for barn som for vaksne å hamne i fengsel, skriv BBC.
Menneske i Queensland er ifølgje myndigheitene opprørte over kriminalitet som blir utført av barn og unge. Dette skal vere årsaka til at det no blir innført strengare straff for lovbrot gjort av barn.
Statistikk viser rett nok at kriminalitet gjort av barn og unge går ned i Queensland.
Kritikarar
Ekspertar peiker på at forsking viser at strengare straff ikkje reduserer lovbrot gjort av barn og unge, men heller har motsett verknad.
Òg FN er kritiske. Dei meiner lovendringa ignorerer barn sine menneskerettar og at ho bryt internasjonale lover.