Det skriv Det Norske Teatret i ei pressemelding.
Det heile starta med at kunstnarleg leiar for Det Norske Teatret i Groruddalen, Belinda Braza, såg Hassane som ein av deltakarane i Hver gang vi møtes.
I programmet fortalde rapparen at han alltid hadde drøymt om å spela teater.
Dagen etter tok ho kontakt med Hkeem, og no er teaterdraumen blitt realitet.
ABDUL ≈ HKEEM
Til våren står Hassane på Rommen scene i Groruddalen.
I stykket ABDUL ≈ HKEEM fortel rapparen om oppveksten på Stovner i Oslo. Hassane vil gå bak fasaden han har som artisten Hkeem, gjennom monologar, dialogar og eigne songar. Stykket går innom tema som å navigera mellom ulike kulturar, venner, einsemd, rasisme, kjærleikssorg og det å prøva å passa inn.
– Det skal handla om alt eg har opplevd. Livet mitt. Mamma, pappa. Eg er skodespelar og hovudperson, har Hkeem tidlegare uttalt til VG.
Premieren er 29. mars.
