Tigerungane er no vorte litt over to veker gamle.
– Det er godt å få bekrefta at tigerungane er sunne og friske, og alt gjekk veldig fint for seg under den første helsesjekken, seier veterinær Rolf-Arne Ølberg.
Torsdag 23. september fødde tigerhoa Boonya fem ungar. Tre av dei overlevde. Under helsesjekken kunne veterinæren sjå at det er to hannar og ei ho. Hoa vog 2,75 kilo, og hannane vog 2,85 og 2,95 kilo.
– Boonya er ei veldig flink mor. Ho steller ungane sine godt, og det er så fint å sjå, seier dyrepassar Even Grønnerø.
