Dei sameinte arabiske emirata har fått sin første kvinnelege astronaut

Dei sameinte arabiske emirata har utnemd Nora Al Matroosh i til den første arabiske kvinnelege astronauten. Astronauten beskriv det heile som eit «ugløymeleg augeblink». 

Skjermdump: Twitter @Astronaut_Nora

Berre 65 kvinner har vore i verdsrommet, og no er 27 år gamle Nora Al Matrooshi på veg til å bli den 66.

– Al Matrooshi vart som ein av 4000 kandidatar, plukka ut til å vera ein del av Dei sameina arabiske emirata sitt romprogram, sa Sheikh Mohammed bin Rashid Al Maktoum, herskaren i Dubai og statsministeren i landet, på Twitter.

Al Matrooshi vil saman med Mohammad Al Mulla, som også vart valt ut, reisa til Texas for å gjennomgå opplæring ved NASAs Johnson Space Center.

Verdsrommet har vore Al Matrooshis sin lidenskap heilt sidan ho var lita. 27-åringen, som har ein bachelorgrad i maskinteknikk, jobbar for tida ved UAEs National Petroleum Construction Company.

Store mål for framtida

– Nasjonen gav meg eit ugløymeleg augeblink i dag. Eg tek sikte på å jobba mot historiske opplevingar, som vil bli hugsa av folket mitt, sa ho på Twitter.

I februar vart Dei sameinte arabiske emirata det første arabiske landet og det femte i verda som nådde Mars. Dei har også laga seg store mål for åra som kjem – månelanding i 2024 og menneskeleg busetjing på Mars innan 2117.