Nedst i saka finn du luciasongen på nynorsk.
Emeli Moe Nonaj (12)
Visste du at det finst ein luciasong på nynorsk?
– Ja, det veit eg!
Kan du den?
– Ja, eg kan begge versjonane, både den på nynorsk og den på bokmål.
Veit du at det er Ingvar Moe frå Etne som har gjendikta den?
– Nei, det visste eg ikkje.
David Matre Pedersen (12)
Visste du at det finst ein luciasong på nynorsk?
– Nei, det visste eg ikkje.
Kan du den?
– Nei, den kan eg faktisk ikkje.
Veit du at det er Ingvar Moe frå Etne som har gjendikta songen?
– Nei. Eg har ikkje lært om han på skulen heller, for då gjekk eg på skule på Stord.
Aron Vika Thomassen (12)
Visste du at det finst ein lusiasong på nynorsk?
– Nei, eg trudde det berre var ein versjon, altså den på bokmål.
Kan du den?
– Den kan eg ikkje. Men eg kan den på bokmål.
Veit du at det er Ingvar Moe frå Etne som har gjendikta songen?
– Kjenner til kven Ingvar Moe var, men visste ikkje det var han som gjendikta songen.
Sondre Svendsen Taraldsøy (12)
Visste du at det finst ein luciasong på nynorsk?
– Nei, det visste eg ikkje.
Kan du den?
– Nei, den songen kan eg ikkje.
Veit du at det er Ingvar Moe frå Etne som har gjendikta songen?
– Nei, det visste eg heller ikkje. Men eg veit kven Ingvar Moe var.
Her er den nynorske luciasongen:
Santa Lucia
Natta har svart og stor
gøymt stall og stover.
Sola har gått sin veg.
Dagen er over.
Inn i vårt mørke hus,
stig no med kveikte lys,
Santa Lucia, Santa Lucia.
Natta er mørk og stum.
Med eitt det susar
i alle stille rom
som venger brusar.
Sjå på vår terskel står,
kvitkledd med lys i hår,
Santa Lucia, Santa Lucia.
«Mørkret skal fara snart
frå fjell og dalar.»
Slik ho eit underfullt
ord til oss talar.
Dagen skal atter ny
stiga av raude sky.
Santa Lucia, Santa Lucia.
(Gjendikta av Ingvar Moe)
