Slik syr du eit julehjarta!
Dette treng du:
- Stoff – bruk gjerne eit plagg du ikkje brukar meir
- Nål og tråd – eller symaskin om du har. Men nål og tråd fungerer like fint!
Slik gjer du:
Klypp ut to like delar med stoff. Vi har laga eit hjarte, men du kan lage kva som helst form. Berre hugs at forma må vera mogleg å sy. Viss du har mange kantar, kan det vera vanskeleg å få fint når du syr.
Legg delane med mønstersida av stoffet innover. Altså, at mønsteret ligg mot kvarandre.
Sy rundt heile hjarta. Pass på at du syr nokre millimeter frå kanten, og la det vera att ei opning på 8-10 cm.
Fest og klypp av trådane.
Vreng hjarta, slik at mønsteret kjem ut.
Fyll med vatt eller bomull.
Sy att opninga med nål og tråd. Fest tråden.
Fest i ein hyssing du kan henge opp hjarta med. Sytråd fungerer også heilt fint. Ta det du har.
