Det finst mange tusen slangeartar, men vi har berre tre artar i Noreg. Artane som vert rekna som norske slangar er hoggorm, buorm og slettsnok. Alle desse lever fritt i naturen og er freda. Det tyder at du kan blir straffa om du tek livet av ein norsk slange.
Viss du ønskjer å ha ein slange som kjæledyr kan du det. I august 2017 blei 19 ulike reptilar lov å ha som kjæledyr i Noreg. 9 av desse er slangar.
Desse slangene lev vilt i norsk natur:
Hoggorm
Hoggormen er den einaste giftige slangen vi har i Noreg. Den har oftast eit sikksakk-mønster på ryggen, men kan også vera veldig mørk i fargen, slik at den kan forvekslast med buormen. Eit bitt frå hoggorm er ikkje livstruande for dei aller fleste, men nokon menneske er meir utsette enn andre. Ein må alltid søke lege om ein vert bitt.
Slettsnok
Slettsnoken kan også bite, men er ikkje giftig. Snoken lever langs kysten frå svenskegrensa til Jæren. Slettsnoken kan bli opp mot 80 centimeter lang. Den er oppført på raudlista over truga dyreartar.
Buorm
Buormen er den største norske slangen. Den kan bli over ein meter lang. Den bit sjeldan, og den er ikkje giftig. Ormen er brungrå, grå eller svart i fargen.
Desse slangane er lovlege å ha som kjæledyr i Noreg:
Kongesnok
Kongesnok kan bli over 150 cm lang. Den lever av firfisler, gnagarar, fuglar og andre slangar. Den er utbreidd i det sørlege USA og nordlege Mexico.
Kornsnok
Kornsnok blir også kalla raudsnok. Den blir frå 100 til 180 cm lang og 6-8 år gamal. Kornsnoken er ein veldig god klatrar.
Mjølkesnok
Mjølkesnoken har flotte fargar. Den blir mellom 100 og 150 cm lang, og gjerne 10-12 år gammal.
Grønn trepyton
Grønn trepyton er ein kvelarslange som blir cirka 1,4 til 2 meter. Den lever vilt i Australia, Indonesia og Papua Ny-Guinea. I det fri et slangen fuglar, øgler og pattedyr.
Kongepyton
Dette er ein liten kvelerslange på 1,2 til 1,5 meter. Arten er utbreidd i Vest- og Sentral-Afrika. Den lever av gnagarar og fuglar, og kan leve i 20 år.
Teppepyton
Denne kan bli 1,4 til 4 meter og lever både i trær og på bakken. Slangen kan leve 20-30 år i fangenskap.
Regnbogeboa
Regnbogeboa blir cirka 1,8 meter lang. Den har vakre regnbogefargar på skjella sine. I det fri lever den i Mellom og Sør-Amerika.
Kongeboa
Kongeboa er ein medium stor kvelarslange frå Sentral- og Sør-Amerika. Den blir frå 1 til 4 meter. Kongeboaen lever av mus og fuglar. I naturen jakter han både på bakken og i tre.
Hagetreboa
Hagetreboa lever i Mellom- og Sør-Amerika og på nokre av dei karibiske øyane. Den blir frå 1,5 til 2 meter lang. Hagetreboaen lev i trær.
Kjelde: Wikipedia
