– Song i skulen er viktig fordi det er for alle. Ein syng med den stemmen ein har. Det skapar band mellom folk, fortel Mari (19), som har møtt opp foran Stortinget for å demonstrera saman med tre vener.
Forsamlinga bryt ut i allsong med Per Spelmann før intervjuet kan halda fram.
Dei fire er samde om at demonstrasjonen viser kor viktig songen er.– Det er ingen terskel for å synga, seier Magnus (23), i det songen går mot slutten.
– Song er inkluderande, og passar for alle, uansett kven ein er og kor ein kjem frå. Og ikkje minst er det gøy, seier Lisa (25), som også sit i styret til Ungkor.
Regjeringa føreslår å fjerna songen
For to år sidan fjerna regjeringa songen frå den overordna delen av læreplanane, trass sterke åtvaringar. I ei undersøking som Framtida.no gjennomførte, kom det fram at berre halvparten av barneskuleelevane i Noreg syng kvar dag.
Ordforklaring: Læreplanen er dei planane som lærarar og skulen skal følgje for å undervise elevar. Det er regjeringa som legg fram læreplanane som Stortinget skal godkjenne.
