Utdanningsminister Édouard Geffray opplyste søndag at skulane må vera heilt eller delvis stengde av omsyn til tryggleiken, skriv NRK.
Elevar har samla seg utanfor hundrevis av skular for å visa at dei er misnøgde. Slike protestar blir kalla demonstrasjonar.
Elevane klagar mellom anna på timeplanane, for mange elevar i klassane og mangel på lærarar. Dei reagerer òg på at klasseromma har vore altfor varme under hetebølgjer i landet. Ei hetebølgje er ein periode med uvanleg varmt vêr.
Uro rundt skulane
Nokre av protestane har ført til vald og skadar på skulebygningar. Styresmaktene meiner derfor at det ikkje er trygt å ha vanleg undervisning på alle skulane.
Når undervisninga blir delvis avlyst, betyr det at nokre timar kan gå som normalt, medan andre fell bort.
Det var nyheitsbyrået AFP som fyrst omtala saka.
