Espen Borge, som jobbar med kommunikasjon i Tryg, seier til NRK at det er lurt å vera ekstra forsiktig med mobilen i skibakken.
– Altfor mange fomlar med telefonen i skiheisen, og då har du ei dårleg sak viss du mistar han. Me skjønar at mange bruker dødtida i skiheisen for å sjekka telefonen, men tjukke vottar, iskalde hender og Snapchat er ingen god kombinasjon, seier Borge til NRK.
Tips for å unngå å mista mobilen i skiheisen:
1. Legg mobilen i sekken eller lomma: Legg mobilen i lomma eller sekken før du hoppar inn i heisen. Lukk sekken eller lomma godt, og ikkje ta fram mobilen før du er på toppen.
2. Bruk snor: Kjøp deg ei mobilsnor som du kan henga mobilen rundt halsen med.
3. Bli med på skitur utan mobil: Bruk heller heisen til å prata med venene dine, eller sjå på utsikta. Når du er ferdig med å køyra i skibakken, kan du kosa deg med mobilen.
