Dommedagsklokka er ei symbolsk klokke som viser kor farleg situasjonen i verda er for menneska. Midnatt på klokka betyr ei stor katastrofe som kan øydelegga mykje. Jo nærmare visarane på klokka er midnatt, jo meir farleg tenkjer forskarane at situasjonen er.
I år vart klokka stilt eitt sekund nærmare midnatt. Årsaka er fleire krigar, farlege teknologiske nyvinningar og auka frykt for bruk av atomvåpen.
Sju minutt
Klokka blei laga i 1947 og stod då på sju minutt før midnatt. Forskarar ved Universitetet i Chicago passar framleis på å stilla klokka.
I byrjinga viste den kor stor trugsel atomkrig var, men no tek dei òg med farar som klimaendringar og ny teknologi som kan skada verda.
(Kjelde: Wikipedia)
